دكتور جمال شعبان يكتب : الأب الروحي لأطباء الحالات الحرجة في مصر والشرق الأوسط
الدكتور شريف مختار
أطال الله في عمره
الراجل اللي في الصورة دي
حدوتة مصرية حقيقية
أطال الله في عمر هذا الرجل
ومتعه بالصحة والعافية
شايفين الراجل اللي في الصورة دي
اللي هو قمة في التواضع
و لابس البالطو الأبيض
والسماعة علي كتفه كأنه
طبيب مقيم حديث التخرج
الراجل دا اسمه شريف مختار
الراجل دا أسطورة علمية
في وزن مجدي يعقوب ومحمد غنيم
الراجل دا راهب في محراب الطب
الراجل دا ما خدش حظه من الأضواء
لأنه يحب العمل في صمت
الراجل دا تجاوز عمره الثمانين
بقي له اكتر من ٤٠ سنة
بيروح القسم بتاعه
يعلم ويعالج ويلهم
ويساعد الصغير
ويوجه الكبير
الراجل دا بيدخل القسم بتاعه أول واحد
ويخرج آخر واحد
الراجل دا هو الأب الروحي
لأطباء الحالات الحرجة في الشرق الأوسط
الراجل دا تلامذته نوروا الدنيا
مش بس في مصر لكن في الخليج
و في أوروبا وفي أمريكا كمان
الراجل دا أنا ب أفتخر إني أحد تلامذته
الراجل دا كتير من الأرواح اللي تم انقاذها
في أقسام العناية المركزة
وعلي أجهزة التنفس
بفضل تعليمه
ومن ثمرات يديه
الراجل دا مفخرة مصرية عالمية بجد
لازم كلنا نفتخر إنه مصري
