الدكتورة ولاء السلكاوى تكتب : ” عيش شريان تعيش مستور ”

من الحاجات المبهرة جدا في جسم الإنسان و دايما أفكر فيها الفرق ما بين الشريان و الوريد 
Artery versus vein

الناس ف الدنيا دي بعضهم زي الشريان و بعضهم زي الوريد

اسال نفسك كده ....هل أنت تصنيفك شرياني ولا وريدي .

... نصيحة ليك...عيش vein تعيش مستور ...عيش Artery تطق من جنابك بدري (زيي )

مش فاهم.؟؟!! .طيب افهمك 
في ناس ف الدنيا دي ماشيين علي طريقة الشريان و ناس تانية علي طريقة الوريد

الشريان لما درسناه ف الطب قالولنا أن له حائط سميك فيه عضلات و عليه ضغوط عالية و بيتحمل الضغوط العالية جواه و أما الضغوط تزيد عليه بيحاول يساعها و يتمدد اوي ... بس لحدود .أما تزيد اوي الضغوط فترات طويلة.. النتيجة انه بينفجر ....بس هو ما قصرش استحمل كتير ......بيفكرك بحد؟؟؟ شايل و شايل و شايل .. شغل و بيت و دراسة و اولاد و و فلوس و مدارس و مدير و امضا و ....و.... و مبيشتكيش .....خلي بالك بقا لتطق

طب ايه وضع الوريد؟؟ علي العكس درسنا أن الوريد له حائط ضعيف و ممكن يتمدد مع الضغوط و مش بس كده. ..ده يقدر يرشح زي ميه كده براه ...عشان يقلل الضغط جواه. هو. ...يعني المشكلة الي جواه هيرميها بره ....ف تلاقي مثلا أما الوريد ف الرجل يقفل رجل العيان كلها تورم بره الوريد ..

.. بيفكرك بحد تاني ؟؟ الي هو باااااااارد . .. ولا يفرق معاه أي حاجة و لا أي حد....الي ميخلصش اليوم يخلص بكرة أو بعده أو بعد بعد ه.......الي هو نظام عبوكوا كلكوا ....... و يا سلام لو في حد تاني شريان زي الي فوق يخلصه هو.....لأن الشرياني ده مش هينام ألا أما يخلص كل الي لازم يخلص

و الخلاصة.....إذا كنت شخص شرياني.....راجع نفسك قلل الضغوط عليك خوفا من الانفجار ... الصحة