الكشف في عيادات وسط البلد وصل 1000 جنيه ومحلات تربح ملايين ويرمي للمالك 20 جنيه في الشهر

أعرب  أعضاء رابطة ملاك العقارات القديم عن إستيائهم الشديد لقيام بعض النواب وأصحاب المصالح لعرقة صدور قانون الإيجارات القديم  وقالوا محلات بتكسب ملايين من دم الشعب الغلبان ويرموا للملاك 10 و15 جنيه في المحكمة.

- تجار بتضاعف الاسعار علي المواطنين مستغلين كل الاحداث والظروف الاقتصادية ومش بيرحموا المواطنين ثم يطلبون من الدولة ان يرحمهم المالك اللي بيدفعوا له 10 و20 جنيه ايجار بقالهم 60 سنة .

- محلات وسط البلد والمناطق التجارية الهامة 90% منها متأجر من الباطن للشباب بالوفات بعقود شراكة وادارة وهمية ويرموا للملاك الملاليم في المحكمة .

- املاك الدولة واملاك الاوقاف تؤجر بملاليم والمستأجر بياجرها من الباطن بملايين .

- مكاتب محاماه اتعابهم بآلاف الجنيهات  ويرموا للملاك ملاليم ...

- عيادات دكاترة اقل كشف عندهم 500 جنيه ويؤجرون عيادات ب5 جنيه.

- شقق وسط البلد (املاك الدولة واملاك الاوقاف) معظمها يؤجر من الباطن كمخازن بالوفات او استوديوهات ويرموا للدولة ملاليم شهريا ...

- جراجات بمساحات تصل ل500 متر بتاخد من السيارة الواحدة 500 جنيه للركنة بنما يرموا للمالك 20 جنيه في المحكمة ....

الفساد ده كله ماوقفش لغاية المستأجر الاصلي ده كمان بيتورث لاجيال وبنفس القيمة الايجارية .
لازم الدولة والحكومة تتصدي لهذا الفساد التشريعي لان دي حرمة مال خاص ومال عام والشعب كله متضرر منه وليس الملاك فقط .